************ يعني ايه دولة الاسلام ؟ *************
بقلم الدكتوره هند أحمد حفظها الله وبارك فيها وفى عمرها
الاسلام دولة اقتصاد دولة علم دولة أدب دولة اخلاق " انما بعثت لأتمم مكارم الأخلاق " دولة تاخدك للجنة دولة فيها بيت مال المسلمين ما تقبلش حد يكون فقير مافيش حاجه اسمها شاب مش لاقي يتجوز ! شاب مش لاقي شغل !
مفيش حاجه اسمها مرض متفشي بسبب اكل فاسد و خضرة فاسدة مرشوشة بكيماوي ! مفيش حاجه اسمها عصير فيه خمره ! مفيش حاجه اسمها مواد غذائية فيها مشتقات خنزير و محدش عارف !!
دولة اساس انتشار العلم في العالم منها اساس الابتكارات فيها تتبنّى اي فكرة جديدة اي علم جديد اي مجال جديد و تنجحه و تنشره و تطوره هي الدولة ال قالت " من خرج في طلب العلم فهو في سبيل الله حتى يرجع " يعني العلم جهاااااااااااد في سبيل الله ! مفيش حاجه اسمها جهل و أميّة ! مفيش حاجه اسمها يسيب المدرسة و يشتغل وهو طفل صغير عشان يوفر لأهله مال ياكلوا بيه !!
كل شيء تحبه النفس البشرية موجود في الاسلام و يطبق في دولته لكل خطأ عقاب لكل صح مكافأة فكل خطوة اجر و ثواب ! كل حلم قابل للتنفيذ كل رغبة ممكن تحقيقها كل هدف ممكن توصلله ده بس في الاسلام
مفيش شهادة زور " ألا وقول الزور ألا و شهادة الزور " مفيش واسطة مفيش كذب " المؤمن لا يكذب "و غش "من غشنا فليس منا "و خداع مفيش خيانة مفيش خمر مفيش سجاير مفيش بيوت ..... مفيش اي حاجه ممكن تخدش حياء الانسان ولا تمسّ عرضه و شرفه
مش مسموح لحد ياكل حق حد مش مسموح انك تتعدى على حقوق الاخرين و الجار " و الله لا يؤمن من لا يأمن جاره بوائقه "بيوصي بيه كأنه واحد من الاهل و القرايب !! مينفعش تنام و جارك جعان مش لاقي اكل " (ما آمن بي من بات شبعاناً وجاره جائع بجنبه وهو يعلم به " !!!!
الاسلام وصانا بالنساء " اوصيكم بالنساء خيرا " و " رفقا بالقوارير " احترام المرأة و نديها قيمتها ربنا جعل للمرأة سورة كاملة في القرآن باسمها " سورة النساء " بيّن فيها حقوقها و ال عليها و المفروض على زوجها اتجاهها و اولادها يعاملوها ازاي " أمك ثم أمك ثم أمك ثم أبوك " هو ده الاسلام مش دعاة تحرير المرأة و تجريدها من ملابسها و قيمها و دينها و اخلاقها و عفتها و حياءها !!!
ده الاسلام وصل للطريق الشارع ال بنمشي فيه وصانا انه يكون نظيف و ممهد للناس " إماطة الأذى عن الطريق من شعب الايمان "
اسلام يعني حب و تسامح " لايؤمن أحدكم حتى يحب لأخيه ما يحب لنفسه " و نظافة قلب و ظاهر , اسلام يعني ثقافة و حضارة و تاريخ , اسلام يعني علم و تقدم و ازدهار
جايين على الفن و جايين عالحدود خايفين من الاسلام عشانهم !! و بيشوهوا صورة الاسلام عشان هم متربحين من الفن و عشان هم حرامية و قتلة و عارفين ان الحدود هتتطبق عليهم و مش بيقولوا الحق و بيخوفوا الناس عن طريق اعلامهم الفاسد الضالّ المضلّ لانهم متأكدين لو الناس رجعت لدينها و مشت بتعاليمه هيبقوا احسن دولة في العالم
حسبي الله و نعم الوكيل ,, يارب رجع للناس عقولها عشان تعرف ان الله حق و الاسلام هو دينها الحق مش كلمة مكتوبة في البطاقة و بس !!!!!
نحن قوم أعزنا الله بالاسلام فإذا ابتغينا العزة بغيره أذلنا الله .
